Ljósmyndari - Heiða Helgadóttir
Tveir ungir hælisleitendur frá Íran voru dregnir út úr Laugarneskirkju með lögregluvaldi í sumar og sendir til Noregs.
Toshiki Toma prestur innflytjenda og Kristín Þórunn Tómasdóttir sóknarprestur Laugarneskirkju ákváðu að opna dyr kirkjunnar og veita hælisleitendunum skjól um nóttina.
Var þetta gert með vilyrði biskupsembættisins og gripið til úrræðisins í von um að lögregla myndi virða forna siði um kirkjugrið.
Lögreglan handtók mennina við altarið. Hér sést er lögregla flytur á brott hinn 16 ára gamla Ali Nasir.
Umsögn dómnefndar:
“Fréttaljósmynd ársins fjallar um atburð sem hefur alþjóðlega skírskotun og leiðir hugann að heimsmálunum en sýnir á sama tíma hvernig hlutverk hins almenna borgara hefur breyst. Ljósmyndin vekur okkur einnig til umhugsunar um það hvaða áhrif snjallsímar og samfélagsmiðlar hafa á miðlun frétta í samtímanum og þannig á hlutverk blaðamanna og blaðaljósmyndara. Myndin miðlar kaótísku augnabliki á áhrifaríkan hátt og í henni er mikil hreyfing og spenna. Þrátt fyrir að auga áhorfandans beinist fyrst að drengjunum sem verið er að bera niður tröppurnar eru mörg smáatriði í myndinni sem hægt er að dvelja lengi við. Myndbyggingin er einstaklega góð, ljósmyndin faglega unnin og áhrifin því sterk.”
Ljósmyndari / Vilhelm Gunnarsson
Talið er að 22 þúsund manns hafi mætt á Austuröll til að krefjast afsagnar ríkisstjórnar Sigmundar Davíðs Gunnlaugssonar eftir að upp komst um tengsl hans við aflandsfélagið Wintris.
Ljósmyndari / Vilhelm Gunnarsson
Vigdís Hauksdóttir fylgist með mótmælendum út um glugga Alþingis með undrunarsvip á öllum þessum látum.Talið er að 22 þúsund manns hafi mætt á Austuröll til að krefjast afsagnar ríkisstjórnar Sigmundar Davíðs Gunnlaugssonar eftir að upp komst um tengsl hans við aflandsfélagið Wintris.
Ljósmyndari / Hörður Sveinsson
Komið Nóg! Mótmæli við Austurvöll.
Ljósmyndari / Sigrtyggur Ari Jóhannesson
Sigmundur Davíð Gunnlaugsson, þáverandi fosætisráðherra, yfirgefur Bessastaði eftir að hafa beðið Ólaf Ragnar Grímsson, forseta Íslands, um þingrofsheimild. Ólafur Ragnar hafnaði bón Sigmundar sem sagði af sér í kjölfarið.
Ljósmyndari / Anton Brink
Sigmundur Davíð Gunnlaugsson og kona hans Anna Sigurlaug Pálsdótitr sitja í sætum sínum á meðan flokksmenn framsóknarflokksins klappa þeim lof í lófa, eftir að Sigmundur tapaði í formannslag við Sigurð Inga Jóhannsson.
Ljósmyndari / Sigtryggur Ari
Formaður Sjálfstæðisflokksins, Bjarni Benediktsson, yfirgefur Bessastaði með stjórnarmyndunarumboð uppá vasann. Þreifingar um myndun ríkisstjórnar báru ekki árangur á árinu 2016.
Ljósmyndari / Egill Aðalsteinsson
Pieta Ísland sjálfsvígsforvarnarsamtök stóðu fyrir Vetrarsólstöðugöngu í minningu þeirra sem tóku eigið líf. Gengin var blysför að vitanum við Skarfagarð þar sem aðstandendur rituðu nöfn ástvina sinna vegg vitans.
Ljósmyndari / Kjartan Þorbjörnsson - Golli
Stórbruni varð við Grettisgötu og mikið tjón.
Ljósmyndari / Stefán Karlsson
Átök og ágreiningur við Menningarsetur Múslima.
Ljósmyndari / Ernir Eyjólfsson
Albönsk fjölskylda sem sótti um hæli á Íslandi fékk að snúa aftur til Íslands eftir að hafa verið vísað úr landi nokkru áður.
Ljósmyndari / Hanna Andrésdóttir
Birnan liggur næstum friðsæl í fiskikari í bílakjallara Náttúrufræðistofnunar og bíður eftir sýnatöku og uppstoppun.
Ljósmyndari / Ernir Eyjólfsson
Fjöldi fólks leggur leið sína til íslands í þeim tilgangi að sjá Norðurljós. Þessir ferðamenn foru svo heppnir að bera þau augum.
Ljósmyndari / Páll Stefánsson
Panama - mótmælendur flagga reiði sinni.
Ljósmyndari / Stefán Karlsson
Katrín Jakopsdóttir formaður VG í viðtali.
Ljósmyndari / Stefán Karlsson
Forsetaframbjóðendur.
Ljósmyndari / Anton Brink
Fjöldi fólks gerði sér ferð heim til nýkjörins forseta Íslands, Guðna Th. Jóhannessonar og konu hans Elizu Reid sem tóku á móti þeim á svölum heimili síns.